呢度真喺喜帖實體店？似屋企多啲喎！
Hi！雖然呢度唔似喺做喜帖！
但事實上我哋喺一間位於觀塘嘅喜帖公司，主打原木傢具及復古擺設為主。
刻意打造一個同傳統喜帖觀感不同嘅喜帖實體店！
上到嚟，唔單止會睇到唔同準新人嘅喜帖，細閱當中喜帖的故事外，
仲會睇到店主一啲古靈精怪嘅收藏！
首先喺門口，會見到一個原木招牌，喺店主 Jim 委託香港復古字書法家手繪而成。
行入少少會見到70年代復古屏風及50年代的英國大櫃，
我仲記得有個客人嘅媽媽上黎睇帖，話好鍾意個屏風。
當年佢地喺安置區生活果陣，就喺用呢種木屏風去分隔廳同睡房，
今日係喜帖實體店見到，非常意外！仲大讚玻璃紋理好靚！
而深啡色大櫃喺香港收藏家手中購入，櫃入面仲保持1950年代的鐵牌，格隔仍然非常實用。
而展示喜帖的枱，唔喺白雪雪嘅宜媽傢俬枱，
而喺用一玫原木板枱去展示，仲要唔止一張…
實在非常敗家…
復古字書法家手繪而成的木招牌
放置於門口的70年代復古屏風及英國大櫃
原木一玫板喜帖展示枱，圖中為胡桃木，如果店主沒有記錯的話
入到去，會有好多好靚嘅乾花，
一啲復古燈具、外父外母送嘅梨木櫈及樟木籠。
港英時期接待賓客嘅肥婆椅，
（嗱，唔喺話你肥，張櫈真喺咁叫）
仲有個喺飛機上會出現嘅餐車 …
近年興講「Vibe」，
佈置到咁唔傳統，
都喺想為傳統灌入新元素。
希望「喜帖」呢件事唔會太悶，
應付到場合，父母OK，
又覺得自己派張帖又型型哋咁。
如果想體驗一下唔傳統嘅喜帖公司
歡迎您預約上黎了解一下
傾下設計、傾下木傢俬、講下無謂嘢
觀塘喜帖Showroom 見！
預約時間選擇：/https://ppweddingltd.as.me/
