父母聖旨：喜帖非紅色不可？
教您以下4招，
入佢中路，逐一擊破父母底線！

喜帖唔單止準新人要派，四大長老都要派，「四大長老」即準新人父母，一般而言暗地裡掌握住整個婚禮佈局及喜帖要求。點解喺暗地裡呢？以筆者多年做喜帖經驗，大部分父母「口不對心佢最勁」，話就話無咩要求，但睇完相或者實物就會諸多要求…

所以準新人做喜帖，一般父母都會話：「無所謂，你地鐘意就ok」（其實就唔ok…），往往準新人懷住愉快心情去揀一啲西式米黃燙金喜帖，或者喺水彩花款、藍黑色或者Acrylic透明喜帖，就會馬上遇到滑鐵盧，最後只能退守「紅」色喜帖。

坦白講，無計嘅，父母派帖比平輩或長輩，幻想下年近70嘅姑媽收到張黑色或者透明嘅帖會點呢？但喺，點樣可以避免一嚟就只有紅同金既選擇呢？以下4招，不如試下入佢中路，可能會有意想不到效果。

第一招：首先照揀自己鐘意既款，例如（圖一）西式米白色燙金，或者（圖二）水彩花款，但加一個紅色信封一齊影張相。點解影埋紅色信封呢？因為有時父母要求嘅紅色，其實可能只需要信封喺紅就OK，帖反而唔係佢哋最大擔心地方。

第二招：雖然要求喺紅色，但唔等於全張都要紅卜卜，可以試下揀一啲西式得黎又帶啲囍慶既款，（圖三）燙古銅色就喺穩中求勝嘅其中一招，因為燙銅偏紅色，比較囍慶，無燙金咁西式之餘，文字都會較易閱讀。當然都唔好忘記比返個紅色信封佢哋睇啦！

第三招：如果要試到第三招，父母既level 應該都有返咁上下，我會建議出絕招之一，中西合壁款（圖四）。英文版喺西式設計燙銅或金，然後中文版改用酒紅色咭燙金，使用兩張咭紙對裱成為一張（630gsm雙倍厚度），達到中西合壁效果。如果由父母派，就酒紅色咭做封面，如果準新人自己派，就用西式款做封面，咁就最佳大歡喜啦！（Hey yo Hey yo Hey yo Hey）

第四招：最後一招，就喺妥協用紅色！妥協咪即投降？唔是！其實紅色，都有好多紅色，深紅、酒紅、淺紅、絨面紅…唔好比傳統喜帖就喺珠光紅局限住自己，PP WEDDING 提供過千種紙質選擇，大熱首推卡地亞酒紅色，高貴得嚟又唔老土….父母鐘意紅信封就比佢哋紅撞紅（無眼睇）不過自己派就可以大膽啲，酒紅撞古銅信封，都喺型格之選！（圖五）