PP WEDDING 喜帖

Categories
喜帖

疫情下婚禮派帖安排 Q&A

機票護照喜帖

疫情下舉行婚禮,派喜帖好頭痕?派唔派好呢?

最近比較多客人查詢嘅問題.... 主要關於婚禮延期,店主做咗個Q&A,希望幫到大家。

1,
問:我就嚟 Big Day ,但肺情爆到7彩,場地未覆實延期定如期,喜帖應該點做?
答:假設如果婚禮不會取消,只會延期,都會建議安排做帖。設計 可以做咗先,但唔拎去印,等你確定可以如期舉行,就安排印刷。未落實印刷情況下,如果不幸要改期,到時喺現有設計改日子,相對時間都會較快,等知道可以如期先搵公司做喜帖,就太遲啦!
 
2,
問:喜帖設計做好咗,張帖點算?
答:假如設計做好,但未落實印刷,延期不設期限,等落實日子後再修改日子或時間便可。如果已經落實印刷或已取帖,可以用紙腰封、優惠價重印,或者修改電子版喜帖。詳情:https://www.ppweddingcard.com/archives/2317
 
3,
問:喜帖最遲幾時要印?
答:如果已經簽咗單客人,設計已經做好咗,固定款印刷時間為例,不燙金一星期內取,燙金兩星期內取。如果未簽單客人,由落訂後計,不燙金兩星期內取,燙金三星期內取。(喜帖於香港印刷,貨期較快,安排都較彈性)
 
4,
問:我年尾大日子,想早少少開始喜帖設計,OK?
答:非常歡迎,越早安排越好(疫情下,我哋都需要您支持啊!),時間較多相對彈性都較高,假設婚禮不會取消最多只會延期,都會建議提早安排夾下個設計。(提早落訂當然有著數,詳情可以PM我哋)
 
5,
問:有無做婚禮通知咭,或者電子版喜帖?喜帖最少做幾多張?
答:兩者都可以做到,詳情可以PM我哋,喜帖最少接受50張。
 
6,
問:觀塘喜帖實體店仲有無開?
答:開星期一至六,星期日及假期休息。但公司會盡量採用彈性上班時間,如果需要約上嚟睇帖,請必需預約時間,以免 walk-in摸門釘。一小時一節,同時間只有一對準新人在場。
 
如果有其它問題,歡迎隨時 PM 我哋!
希望幫到大家,祝平安!


更多喜帖款式:https://www.ppweddingcard.com/

作者:占 by PP WEDDING 喜帖

Categories
喜帖

疫情下要擺流水席,應該點印帖好 ?

IMG 2179

疫情下要擺流水席,應該點印喜帖好 ?

限聚令關係,婚宴出席人數大幅減少,與其無了期咁等撒銷晒所有防疫措施,唔少新人會改以流水宴既方式擺酒,分幾個時段請幾批賓客嚟飲自己嗰餐。雖然流水席出現可以增加出席人數,但每場得20人,大部份喜帖公司印刷數量最少要印50-100張,喜帖應該點印好呢?

PP WEDDING 內文修改服務幫到你!首先講一講,我哋最少喜帖印刷數量為30張。以新人Cherry & Gordon 為例,婚宴當日分了三場流水席,相同的酒店及廳。

.首場兩點入席(20張喜帖)
.次場五點入席 (20張喜帖)
.尾場八時入席(20張喜帖)

喜帖嘅價錢計算,會喺三場流水宴加埋既總印刷數量,即20+20+20=60
而因為需要同一設計拆開三個內文,所以會有少量內文修改費用。(費用請再查詢)
但就可以做到20張嘅少量印刷,唔洗60張帖印死同一個時間,非常彈性!

invitation sample 02 01 low

如果新人喜帖會燙金既話,PP WEDDING 建議燙金部份可以喺新人名,地址同日期(見下圖紅色部份),而會改變既時間就以彩色印刷(見下圖藍色部份),咁樣同一個燙金版就可以喺唔同VERSION度共用啦。即係只需俾一個燙金版費,三場宴席既帖都會有相同既燙金效果,可以有好GRAND 既效果之餘亦幫新人慳到盡。

invitation sample 02 02 low

如果有任何婚禮延期、婚禮通知咭、流水席或e-invitation card 電子版喜帖嘅問題,歡迎隨時查詢呢!


更多喜帖款式:https://www.ppweddingcard.com/

作者:占 by PP WEDDING 喜帖

Categories
喜帖

疫情下,婚禮可能延期又要派喜帖,點算好?唔一定要重印嘅!

IMG 8514

疫情下,婚禮派喜帖驚要重印?教您妙絕三式,免重印!仲可以靚過原本張喜帖!

肺炎下攪婚禮實在令人頭痛!(呀呀呀呀呀!)唔知擺唔擺得成,坐四個定八個,場地又幫唔到手,喜帖又唔知印唔好印,好似同政府賭緊大細!話就話重印可以解決問題,雖然重印只收半價,但實有長輩又會覺得唔「老黎」!想慳得就慳,又唔想煩?入嚟記住呢三式,包你煩惱少啲,人都開心啲!

所謂非常時期,非常手段,假如惠顧本公司 PP WEDDING 喜帖而受肺炎影響婚期,只需要全單半價就可以印重,喺全單半價!包括燙金都可以半價!新做訂單,最快最快印刷時間只需要兩至三星期,全部加急件無附加費用,全年不截單!

第一式:「日子及時間留白,由書法家親筆寫上日子!」

先同喜帖公司溝通好,將中英文版的日子及時間等留空白,等日子及時間確認好,再交由書法家寫上日子及時間。呢個方法夠晒彈性,而且親筆寫上的資料用金色墨水寫上,勁有燙金感覺!完全喺將原有設計「神還原」!如果本身喜帖無燙金,加上金色書法字都好有燙金感覺。本身喜帖有燙金,金色字又可以夾返燙金。甚至連中文資料都可以親筆寫上,而且寫日子及時間的收費絕對不貴,非常良心價!如果中文版有信心自己寫上,又可以慳返多少!呢個方法其實好多外國西式邀請咭都有做,做出嚟真喺比原設計更靚㗎!有關做法可以參考下圖…

phoebe 01
phoebe 02

Calligraphy 西洋書法家嘅筆跡及實際寫出嚟嘅效果,大家可以參考下圖,您以為喺電腦字體?真喺寫出嚟㗎!喺咪靚過原本張帖先?顏色一般建議金色同埋黑色,夠晒百搭,效果又好!咁就唔洗擔心重印會浪費嘅問題啦!每張喜帖親筆寫上日子同時間,夠晒親切感!每張手寫需時,所以最好就預多1-2星期比書法家去寫啦!Calligraphy by https://www.instagram.com/pheebsilligraphy/

phoebe copy

第二式:「紙封套改日子大法!」

呢個方法夠晒簡單,涉及手工及時間又唔多,如果喺 PP WEDDING 客戶,只需花少少少少錢就可以做到!用原本喜帖設計圖案元素,再加一條腰封包住喜帖,用雙面膠紙貼好。紙封套上印出因應疫情關系,所以需要改期等字眼,夠晒彈性,又可以維持原本喜帖設計!紙質又可以同喜帖一樣,所花嘅錢又唔多,雖然帖嘅日子同腰封日子有出入,但疫情關系,相信都無咩親友會介意吧?大家都明嘅!又唔洗重印帖,又可以顯示到日子!

phoebe 03

第三式:「用貼紙改期!」

唔洗改期當然好啦!但萬一要改期及改時間,可以考慮印張同喜帖紙質及字款一樣既紙,再人手𠝹一個格仔出嚟,之後用漿糊筆貼落喜帖去就OK啦!例如喜帖用珍珠咭印,貼紙就用返薄嘅珍珠紙印,字款跟喜帖一樣,貼落去都唔會太醜怪!不過就要留意工序較多,同埋如果喜帖本身有燙金,貼紙是彩色印刷的話,貼落去難免就會有少少奇怪囉!

phoebe 04

無論您會選擇邊一式都好,想查詢肺炎下嘅喜帖應該點安排好,最遲幾時印好,可以隨時聯絡 PP WEDDING 喜帖,會提供返專業意見比你!

個人意見就喺,如果婚禮不會取消,只會延期,喜帖都喺盡快搵定公司做好,如果等政府放寬先去搵喜帖公司做喜帖,可能就趕唔切啦!

2020年,祝大家順順利利!身體健康!


更多喜帖款式:https://www.ppweddingcard.com/

作者:占 by PP WEDDING 喜帖

Categories
喜帖

「喜帖紙質只有珍珠咭同啞膠咭?燙金得金色?準新人您太年輕了!」

「喜帖紙質只有珍珠咭同啞膠咭?準新人您太年輕了!」

大眾一般對喜帖嘅認知,一般就喺珍珠咭,仲有珍珠咭,同埋有部份喜帖公司會用嘅啞膠咭... 啞膠咭 PP 從來都無印過,因為店主個人唔鐘意膠膜嘅手感。 其實紙質同女士嘅唇膏一樣,成千上萬嘅選擇,唔同嘅妝及風格配合返唔同嘅紙質, 唔同嘅紙質及設計又襯返唔同嘅燙金顏色....聽落喺咪好複雜? 唔複雜!等我慢慢講解一下各種紙質嘅特性!最後仲有介紹「原色咭」添!

1, 珍珠咭
特點:紋理似珍珠,透過不同光線照射時,會呈現金黃色的綺麗光澤
產地:香港代理歐美紙廠
厚度:300gsm
顏色:Cream 奶黃色
優點:紙挺身,夠囍興,因為透過光折射會有反光效果,紋理不算太粗及平滑,所以彩色印刷婚照時效果相當不錯,同埋價錢較平,選用珍珠咭無任何附加費用
缺點:珍珠咭表面有層薄膜,所以會反光,如果喜歡啞色質感嘅準新人大部份都不會選擇珍珠咭,例如做水彩或者文青系列的喜帖,一般都會選用大地咭或花統咭

Paper 01

2, 細紋咭
特點:較細嘅紙紋理,此咭專為彩色印刷而設,所以經印刷機上色後,顏色會特別實淨
產地:香港代理歐美紙廠
厚度:250gsm
優點:啞身質感,特別適合 Vintage 設計,而且上色油壓較深,顏色會特別突出,而復古的圖案都會特別有質感
缺點:250gsm 相比珍珠咭較薄,咭紙偏「林」不夠挺身,即使對裱加厚都不算十分挺身

Paper 03

3, 布紋咭
特點:咭紙有十字紋,印刷圖案後,所有圖案都會帶明顯的十字紋
產地:香港代理歐美紙廠
厚度:270gsm
優點:同樣是啞色的質感,咭紙不反光,大多客人選用作水彩花設計,用十字布紋突出水彩圖案,而且以十字紋為主的咭紙市面上不算多選擇
缺點:270gsm 厚度我覺得還好,比細紋咭挺身,唯一喺不能印婚照,因為一印婚照後您地嘅靚樣就全部都喺十字紋….

Paper 02

4, 大地咭
特點:咭紙帶有強烈質感,咭上有類似環保紙的獨突紋理,摸上手會有點「鞋」,如果鐘意紙感嘅您,應該會愛不釋手
產地:日本紙廠
厚度:314gsm
優點:質感絕對喺最強,而且用作水彩花設計、Vintage及文青系都得!厚度喺所有紙之中最厚!另外因為紙纖維較薄,啞色咭燙金後效果會特別明顯,並且帶輕微凹凸感覺。
缺點:紙價高,有少少附加費用,紙紋理因為較粗,所以印刷機印出黎一般會較淺色少少,紋理是不規則的,可能有時唔想出現紙紋地方都會出現紋理

Paper 04

5, 花紋咭
特點:似油畫咭,同樣是啞色質感,有少少似大地咭,但紋理無咁強,基本上喺萬能咭,印婚照或水彩等等都完全無問題
產地:意大利紙廠
厚度:300gsm
優點:萬能型嘅咭,百搭,所有設計都可以用,對裱加厚後非常理想,質感少「鞋」但紋理幼細,大部份客人如不用珍珠咭,大多數會升級做花紋咭,特別喺配搭一啲花花草草設計或者水彩卡通,絕對喺屈機組合。另外同大地咭一樣因為紙纖維較薄,啞色咭燙金後效果會特別明顯,並且帶輕微凹凸感覺。
缺點:間唔中會無貨,紙價都偏高,一分錢一分貨

Paper 06

以上五種都喺白色嘅咭,透過入印刷機上色,家下介紹一下「原色咭」或「染色咭」,您就會發覺兩者分別好大! 所謂嘅「原色咭」或「染色咭」,其實都喺同一樣野嚟,天生就喺有顏色嘅咭紙,並唔喺透過印刷機印落去嘅顏色。 顏色喺透過造紙嘅過程,利用唔同嘅顏料去染出黎,過程非常之複雜! 睇相兩者可能差距不大,但睇過實物嘅您,相信就會知道,無論喺摸落去嘅質感同顏色,都喺天淵之别!

首先介紹一下大家都成日喺我哋網頁同 Facebook 或 ig 都會見到嘅「卡地亞酒紅色」!上圖一二喺染色咭酒紅色,圖案燙金,而下圖三及四喺珍珠咭印紅色之後再燙金,大家可以睇睇個分別!

all red
原色咭,染色咭 酒紅色
IMG 3090
原色咭,染色咭 酒紅色
IMG 4243
珍珠咭印紅色
Template invitation card 43 02
珍珠咭印紅色

再睇睇上圖喺花紋咭印深綠色,而下圖真喺原色咭印深綠色效果

IMG 5739
花紋咭印深綠色
IMG 7531
深綠色原色咭

總結,無論燙金嘅效果以及質感,都喺「染色咭」完勝,珍珠咭印得幾靚都好,始終喺印唔到靚嘅酒紅色出黎,就算做到都喺廣告相後期加工所致,一睇實物就知個分別。所以我會建議準新人喺選擇喜帖時,都喺睇睇實物作準,Confirm 返個顏色之外,都可以親手摸摸各種紙質,以免廣告相同實物有太大落差!
當然,一分錢一分貨,㨂得原色咭除咗紙價錢高之外,圖案必需要燙金先上到色,所以準新人預算要預多少少嚕!除咗酒紅色外,其實可以揀嘅咭紙仲有好多,有時間不妨預約上我哋公司睇睇呢!
更多喜帖款式:https://www.ppweddingcard.com/

作者:占 by PP WEDDING 喜帖

Categories
喜帖

婚禮要延期?唔洗愁!2020年「疫情下派喜帖安排!」

cover04 01

婚禮要延期?唔洗愁!2020年「疫情下派喜帖安排!」

2020年結婚嘅您,怕您錯過咗,所以用「耀才寶寶 mode 講多次!」 ((2020全年不加價!檔期不緊張,不截單!唔收加急費用!如改期喜帖重印半價)) 萬一改期,無條件任改日子,不限時間,只要 PP WEDDING 一日未執都同你改! 另外準備咗啲 Q&A,希望幫到受疫情影響嘅您哋!當中仲有彩蛋!

「抵抗林奠限聚令,2020年婚期準新人,喜帖不截單!全部加急做,最快2星期起貨,免附加費用。淨行禮人數少唔緊要,最少印刷數量由50張降為30張!」因為政府……DLLM!講政府就嬲,入番正題!最近因為限聚令,好多6-9月嘅準新人進退兩難,明明一件開心事,擺酒變咗一場賭大細!就算擺酒擺得成,做喜帖又怕「截單」又怕貨期緊張印唔切。擺唔成,又怕落咗嘅喜帖訂金化為烏有。

做咗六年,都未試過有咁嘅情況,眼見客人婚禮取消改期都仲要上黎拎帖,白白又洗多咗錢,店主實在唔忍心!所以!只要您婚期喺今年6-9月,由今日開始到831號,搵 PP WEDDING 落喜帖單:

* 婚期6-9月固定款式最快2星期內起貨,如燙金多4-5 (10或之後婚期,出貨時間為一個月多十日左右)

* 6-9月準新人,固定款式喜帖,最少印刷數量由50張降為30張(30張賺埋都唔夠出糧!)

* 2020全年,不截單,檔期不緊張,唔洗擔心,PP仝人通宵都同你砌掂佢

* 已落訂金,萬一改期,無條件任改日子,不限時間,只要PP一日未執都同你改!

* 萬一婚禮取消,只要設計未開始做,無條件將訂金轉移比朋友,或無附加費用改其它設計,例如利是封,仲可以新年派!

* 如喜帖已印好,需重新印刷,一律半價重印(固定款,2020年全年適用)

* 留意只限6-9月婚期嘅準新人,因應情況再作調整到10月或之後準新人,加急及最低消費30張只限固定款

* 如突然決定如期舉行婚禮,怕派唔切可以只做電子版喜帖,只收幾百蚊!

疫情下派喜帖 Q&A

準:如果想搵您地做帖,最遲幾時決定?
P:如果大日子喺6-9月,你預返派帖前2星期比我哋設計同印就可以(限固定款,燙金多幾日)如果大日子喺10月或之後,就預返派帖前一個月多十日左右(固定款)。

準:提早搵 PP WEDDING 做喜帖,有無著數?
P:一般早大日子五個月或之前,我哋都會提供返全單9折優惠,如果未定款及數量,可以先落$800保留優惠及檔期。

準:如果落左喜帖訂,最後延期點算?
P:延期就唔洗太擔心,我哋改日子無任何附加費用,亦不設限期,只要喜帖未落實印就可以啦!如果最後唔補擺要取消,咁可以將訂金轉做其它設計,或者轉移比朋友,但轉比朋友大前提喺喜帖設計要未開始做,如果設計做咗,會收返幾百蚊設計費用。

準:喜帖印好,派到中途,突然要改期點算?
P:如果需要重印一批新日子喜帖,我哋會收返之前訂單的總額一半為重印費用(大約一半,視乎加工),例如訂單總金額喺$2,800,咁重印喜帖費用就喺$1,400 (限固定款)

準:喜帖派到一半,決定改期,但新日子唔派帖,咁點好?
P:我哋可以免費提供電子檔,改返個新日期,可以send比朋友做 e-card,無需加費用

準:PP WEDDING 會唔會擺婚展,有無常規優惠?
P:婚展暫定無呢個計劃,店主丫占老人家怕辛苦,唔想搬來搬去….每次擺展都心很累…
不過可以透露一下嚟緊會去一個好靚好靚好靚嘅場地展示我哋嘅喜帖,提示喺個場有錢都未必擺到嘅…(唔喺婚展)
至於常規優惠,我哋唔太偏好成日有優惠,希望以質取勝,控制數量。我相信就算正價都好,只要喜帖靚,準新人都唔會太介意嘅(當然PP都明白有得平就平:D)

不過,一般提早5個月落訂,都會有早訂優惠9折,以答謝支持我哋嘅準新人!所以有時間可以約上觀塘喜帖 Snowroom 比較一下呢!

更多喜帖款式:https://www.ppweddingcard.com/

作者:占 by PP WEDDING 喜帖

Categories
喜帖

傳說只有2%嘅準新人會挑戰成功嘅喜帖款 !但您「一定唔敢揀」!​

IMG 7225

傳說只有2%嘅準新人會挑戰成功嘅喜帖款 !但您「一定唔敢揀」!

以下內容請避免父母收看,否則後果自負...之前文章提及到點樣做到攻守兼備嘅中西合壁喜帖,傳統得嚟又唔老土。但今集為大家介紹嘅喺極少數客人會選擇嘅喜帖顏色... 一共分為四個Level!準備好就接招啦!

傳統囍慶顏色大家會諗到「紅色」,咁如果喺「藍色」呢?大家會諗到咩?藍色,傳統上代表「白事」,基本上一個傳統家庭,婚禮上應該唔會淮許有「藍色」存在。不過今年都2020年啦!好多準新人嘅四大長老都未必會太介意,首先出場嘅有「仙人藍」喜帖!

.Level 4 藍色為主題的喜帖:

(圖一及二)Custom made 喜帖,全套按客人要求訂造,應該是萬中無一以全藍色為主題,背景圖案用上兩位新人星座作主題,牛油紙襯托,流沙金色作點綴。

01
圖一
02
圖二

(圖三)西式喜帖設計,採用深藍星外國紙珍珠咭燙金,咭紙為染色咭,並非珍珠咭彩色印刷,當你見過實物,珍珠咭會馬上比下去….

03
圖三

(圖四)反傳統中西合壁設計,囍字放於英文版,而西式Logo即放在中文版上,超大膽設計,深藍色咭加上囍字….真喺聽到都驚!

04
圖四

有藍色,當然唔少得喺黑色啦,藍同黑可以講喺傳統婚禮上嘅不受歡迎顏色,「不吉利孖寶」是也!只有極少數準新人及父母會接受喜帖喺黑色….當然搵得 PP WEDDING 做喜帖都唔喺善男信女,黑色都照做,父母感受?派咗先講,理得佢!

.Level 3 黑色為主題的喜帖:

首先打頭陣嘅有(圖五),我諗PP有生之年都未必會遇到咁爆炸嘅組合,黑色都算!仲要用中式日曆款做,仲未夠!加埋 rock & roll 元素落去!實在唔敢想像長輩收到會唔會手都震,搖滾吧長輩們!

05
圖五

除咗用黑紙做燙金,更曾經有客人挑戰用黑色皮革做喜帖(圖六)!啞黑色皮革,加上潑墨做設計,英文版用上簡單排版設計去配合潑墨,另外中午行禮邀請咭都是透明Acrylic,大膽程度爆燈!

06
圖六

您以為全黑色已經好型?未夠!今次設計以結婚相為主配合復古Gatsby線條(圖七),底色大膽選用黑色雲石設計,但呢個黑色仲未完㗎!連回禮利是及新年利是封都喺用黑色!型哭了!

07
圖七

除咗實黑色之外,帶有絨面感覺的火星啡色都非常型格(圖八及九),望落似黑色,但透過光線改變會呈深啡色,燙金後效果非常突出,前者仲要燙上珍珠白色添!

08
圖八
09
圖九

講完黑色,家下講下白色!白色無咩特別?唔喺架!白色雲石紋理…..如果配上中文字…..啲字仲要打直…您會諗到咩先?白雲石紋絕對喺「隱性大膽」之選!不過相比黑同藍,其實白雲石紋嘅喜帖,相對父母易接受得多了。

Level 2 白雲石紋及白色為主喜帖:

呢一款喺筆者最愛嘅固定款喜帖之一,300gsm啞色意大利花紋咭印刷,打橫西式證書款,白雲石紋再配上黑色字及燙金(圖十),而後者加上扭紋粉紅色雲石紋(圖十一及十二),最後一款更加用上擊凸效果,Logo做出立體感!

10
圖十
11
圖十一
12
圖十二

西式經典喜帖,不得不提白雪雪嘅 Letterpress 凸版印刷喜帖(圖十三),雖然白色為主喜帖並不是父母最愛,但如果西式為主的婚禮,例如酒會、Beas River Country Club、The Repulse Bay 等草地證婚/晚宴或行禮邀請咭,Letterpress 其實都是一個不錯大膽選擇!

13
圖十三

Level 1 深綠或灰藍喜帖:

深綠色一直都喺不少準新人嘅最愛,田園風得嚟又帶點 Grand(圖十四),如果覺得太齋可以加返少少水彩花元素,加上燙金點綴,效果也非常不錯啊(圖十五)。而(圖十六)款式非常多變,概可以深灰藍色,又可以轉換其它顏色,可以講喺百搭之選!

14
圖十四
15
圖十五
16
圖十六

講完四款大膽之選,有無心水先?父母會接受到幾多Level 呢?做邊款都好,問問父母意見好啲!以免印好咗又要整返款珍珠紅色啦,係咪?(真人真事)

更多喜帖款式:https://www.ppweddingcard.com/

作者:占 by PP WEDDING 喜帖