PP WEDDING 喜帖 – 顛覆傳統喜帖設計

父母聖旨:喜帖 非紅色不可?
教您以下4招,
入佢中路,逐一擊破父母底線!

中西合壁喜帖設計

喜帖唔單止準新人要派,四大長老都要派,「四大長老」即準新人父母,一般而言暗地裡掌握住整個婚禮佈局及喜帖要求。點解喺暗地裡呢?以筆者多年做喜帖經驗,大部分父母「口不對心佢最勁」,話就話無咩要求,但睇完相或者實物就會諸多要求…

所以準新人做喜帖,一般父母都會話:「無所謂,你地鐘意就ok」(其實就唔ok…),往往準新人懷住愉快心情去揀一啲西式米黃燙金喜帖,或者喺水彩花款、藍黑色或者Acrylic透明喜帖,就會馬上遇到滑鐵盧,最後只能退守「紅」色喜帖。

坦白講,無計嘅,父母派帖比平輩或長輩,幻想下年近70嘅姑媽收到張黑色或者透明嘅帖會點呢?但喺,點樣可以避免一嚟就只有紅同金既選擇呢?以下4招,不如試下入佢中路,可能會有意想不到效果。

第一招:首先照揀自己鐘意既款,例如(圖一)西式米白色燙金,或者(圖二)水彩花款,但加一個紅色信封一齊影張相。點解影埋紅色信封呢?因為有時父母要求嘅紅色,其實可能只需要信封喺紅就OK,帖反而唔係佢哋最大擔心地方。

圖一
意大利花紋咭彩色印刷+燙金喜帖 300gsm

第二招:雖然要求喺紅色,但唔等於全張都要紅卜卜,可以試下揀一啲西式得黎又帶啲囍慶既款,(圖三)燙古銅色就喺穩中求勝嘅其中一招,因為燙銅偏紅色,比較囍慶,無燙金咁西式之餘,文字都會較易閱讀。當然都唔好忘記比返個紅色信封佢哋睇啦!

圖三

第三招:如果要試到第三招,父母既level 應該都有返咁上下,我會建議出絕招之一,中西合壁款(圖四)。英文版喺西式設計燙銅或金,然後中文版改用酒紅色咭燙金,使用兩張咭紙對裱成為一張(630gsm雙倍厚度),達到中西合壁效果。如果由父母派,就酒紅色咭做封面,如果準新人自己派,就用西式款做封面,咁就最佳大歡喜啦!(Hey yo Hey yo Hey yo Hey

圖四

第四招:最後一招,就喺妥協用紅色!妥協咪即投降?唔是!其實紅色,都有好多紅色,深紅、酒紅、淺紅、絨面紅…唔好比傳統喜帖就喺珠光紅局限住自己,PP WEDDING 提供過千種紙質選擇,大熱首推卡地亞酒紅色,高貴得嚟又唔老土….父母鐘意紅信封就比佢哋紅撞紅(無眼睇)不過自己派就可以大膽啲,酒紅撞古銅信封,都喺型格之選!(圖五)

圖五

最後比個貼士大家,信封可以㨂不同顏色,父母派紅或金,準新人派古銅或粉紅,咁就可以各取所需啦!父母始終要尊重嘅!婚禮上怕決定錯,最好就問問四大長老先,有商有量嘛!

現有信封選擇

最後希望大家都揀到心儀嘅喜帖…

作者:占 by PP WEDDING 喜帖

Open chat